نيويورك تايمز تكشف تفاصيل مثيرة عن كيف تم تحديد موقع خامنئي واستهدافه في وضح النهار..نفس اللي حصل مع حسن نصر الله
اللي حصل في عملية اغتيال المرشد الاعلي للثورة الإيرانية وأكبر قادة في القوات المسلحة الإيرانية ومنهم وزير الدفاع وقائد الحرس الثوري وغيرهم في ضربة واحدة وهجوم واحد هو نفس اللي حصل في اغتيال السيد حسن نصر الله الأمين العام لحزب الله وبعده هاشم صفي الدين وبعدهم قادة إيران وعلماء الذرة الإيرانيين في حرب ال12 يوم السنة الماضية ،عملاء وجواسيس علي الارض مقربين جدا جدا جدا من الدوائر الأمنية والاستخباراتية عارفين مواعيد الاجتماعات
"معلومة ثمينة” قلبت الموازين
صحيفة نيويورك تايمز كشفت نقلًا عن مصادر وصفتها ب مطلعة إن وكالة الاستخبارات الأمريكية كانت بتتبع تحركات المرشد الإيراني علي خامنئي لشهور طويلة، وكونت صورة دقيقة عن أماكن إقامته واجتماعاته وتحركاته الروتينية.
المفاجأة – بحسب الرواية المنشورة – إن أجهزة الاستخبارات علمت بموعد اجتماع رفيع المستوى صباح 28 فبراير في مجمع سكني بطهران، والأهم إن المرشد كان متوقع حضوره شخصيًا مع أكبر قادة في الجيش ، هنا المشهد اتغير بالكامل.
لحظة نادرة غيرت توقيت الهجوم
الخطة الأساسية – حسب الصحف – كانت تنفيذ عملية ليلية.
لكن لما تأكد وجود قيادات الصف الأول مجتمعة في نفس المكان، اتغير الجدول الزمني بالكامل، وتم استغلال “الفرصة النادرة”.
تقارير تانية قالت إن تم تحديد 3 اجتماعات متزامنة، وإن العملية نُفذت بدقة عالية جدًا، ما يشير لاختراق معلوماتي كبير، مش مجرد رصد تقني عادي.
اختراق غير عادي… ولا خيانة من الداخل؟
السؤال الأخطر:
إزاي تم تحديد الموقع بهذا المستوى من الدقة؟
هل كان اعتماد كامل على أقمار صناعية وتنصت إلكتروني؟
ولا كان فيه تسريب بشري من داخل الدائرة الضيقة؟
فيه معلومات بتقول أنه تم استخدام برنامج كلود في تحديد مكان خامنئي ،وقطعا وحتما الموضوع مش تنصت الكتروني واختراق تقني وبس مستحيل ده يتم من غير ما يكون فيه عملاء علي الارض
تنسيق علني وخطة سبقت التنفيذ بأشهر
التقارير بتتكلم عن اجتماعات متكررة بين قيادات عسكرية إسرائيلية ومسؤولين أمريكيين في واشنطن قبل التنفيذ بفترة وان فيه مسئولين إسرائيليين سافروا واشنطن كذا مرة الفترة اللي فاتت للتجهيز للخطة دي يعني كده كده ترامب ونتنياهو كانوا ناويين علي الغدر بكل الطرق
